Ramnad2Day

நடிகர் கமலஹாசனுக்கு ஸ்ருதி, அக்ஷரா என இரண்டு மகள்கள் உள்ளனர். ஸ்ருதி தமிழ் சினிமாவில் பாடகி, இசையமைப்பாளர், நடிகை என அவதாரம் எடுத்தவர். தமிழில் ‘3’, ‘7-ஆம் அறிவு’ ஆகிய படங்களில் நடித்து, பிறகு பாலிவுட் பக்கம் சென்று, அங்கு தற்போது பிசியான நடிகையாக உள்ளார்.

இந்நிலையில், கமலின் இரண்டாவது மகள் அக்ஷராவும் பாலிவுட்டில் நடிகையாக அறிமுகமாகவிருக்கிறாராம். இவரை கதாநாயகியாக நடிக்க வைக்க நிறைய பேர் போட்டி போட்டனர். ஆனால், இவரோ நடிப்பில் ஆர்வம் இல்லை, டைரக்ஷன்தான் பிடிக்கும் என மறுத்து வந்தார். சில இந்தி படங்களில் உதவி இயக்குனராகவும் பணியாற்றினார்.

இப்போது நடிகையாக நடிக்க முடிவு செய்துள்ளார். இதையடுத்து தற்போது நடிப்பு பயிற்சி பெற்று வருகிறார். கும்பகோணத்தை சேர்ந்த பாலகிருஷ்ணன் என்கிற பால்கி, பாலிவுட்டில் இயக்குனராக உள்ளார். இவர் கமல்ஹாசனின் நண்பர். இந்தியில் அமிதாப் நடிப்பில் ‘சீனி கம்’, ‘பா’ ஆகிய படங்களை இயக்கியவர். இவர் அடுத்து இயக்கும் படத்தில்தான் அக்ஷரா நடிக்க உள்ளார்.

இதற்கிடையே அக்கா ஸ்ருதியை போலவே மும்பையில் தனியாக வசிக்க அக்ஷரா முடிவு செய்துள்ளார். இதற்காக அவர் சில அபார்ட்மென்ட்களில் வீடு தேடி வருகிறார்.